Синьхуа агентлагийн мэдээ, НҮБ-ын ерөнхий нарийн бичгийн дарга Антонио Гутериш 5-р сарын 31-нд төлөөлөгчөөрөө дамжуулан мэдэгдэл гаргаж, мөн өдөр Афганистаны нийслэл Кабулд террорист халдлага хийсэн хэргийг хатуу зэмлэн буруушааж, терроризм, хэт даврагчдад хатуу цохилт өгөхийг онцолжээ.
Мэдэгдэлд, ялган салгахгүйгээр энгийн иргэдийг дайрч байгаа нь олон улсын хүмүүнлэгийн хуулийг зөрчиж байгаа бөгөөд ямарваа шалтгаар ялаас мултарч чадахгүй. Терорист халдлага үйлдсэн этгээдийг хуулиар хатуу шийтгэх хэрэгтэй гэжээ.
Тэрээр: Халдлагад өртөж амиа алдсан хүмүүсийн ар гэрт гүн эмгэнэл илэрхийлж, бэртэж шархадсан хүмүүс эртхэн эдгэрэхийг ерөөжээ. Тэрээр, НҮБ Афганистаны ард түмэн болон засгийн газрыг дэмжиж байгааг дахин нотолжээ.
Афганистаны нийслэл Кабулд 5-р сарын 31-нд амиа золиослогч этгээд авто машин дэлбэлсний улмаас наад зах нь 80 хүн амиа алдаж, 350 хүн шархаджээ. \Сайн-Өлзий\
Өдөр дутмын 
