Мүн Же Ин ерөнхийлөгч болсноос хойш анх удаа илтгэл тавилаа

Хятадын Олон Улсын Радио       (GMT+08:00) 2017-06-13 10:30:48

БНСУ-ын ерөнхийлөгч Мүн Же Ин 12нд БНСУ-ын парламентад ерөнхийлөгч болсноосоо хойш анх удаа засаглах тухай илтгэл тавьж, төсөв нөхөн баталж, ажлаар хангахыг түргэтгэн, орлогын зөрөөг багасгаж, эдийн засгаа сэргээхийг уриалсан байна.

Мүн Же Ин тавьсан илтгэлдээ: БНСУ-ын ажилгүйдэл 2000 оноос хойших хамгийн дээд цэгтээ тулж, ажилгүй хүний тоо шинэ рекорд тогтоогоод байна. Залуусын ажилгүйдэл бүр ч хүндэрсэн байна. Үүнээс гадна эмэгтэйчүүд, ахмадуудын ажилгүйдэл хүндэрч, нийгмийн баялгийн хуваарилалт тэгш бус байгаа зэрэг асуудал ч ноцтой байна гэжээ.

Тэрээр: сайн ажлын байрыг нэмж байж л эдгээр асуудлуудыг зохицуулж болно. Эдийн засгийн хөгжлийн загварыг эдийн засгийн хөгжлөөр ажлын байр бий болгодог байснаас ажлаар хангах замаар эдийн засгийн хөгжлийг ахиулах хэлбэрт шилжүүлэх ёстой гэжээ.

/Баатар орчуулав/

Холбоотой мэдээ
Сэтгэгдэл