Синьхуа агентлагын мэдээ: 26-нд Америкийн Дээд шүүх Трампын засгийн газрын цагаачдад тавьсан хоригийг хэсэгчлэн сэргээсэн бөгөөд улмаар энэ оны 10-р сард цагаачдад тавьсан хориг хууль ёсонд нийцэх эсэхийг албан ёсоор хянан хэлэлцэх юм.
Мөн өдөр Америкийн Дээд шүүхээс гаргасан хуулийн саналын бичигт: Трампын засгийн газрын цагаачдад тавьсан хориг хууль ёсонд нийцэх эсэхийг хянан хэлэлцэхийг хүлээн зөвшөөрч, Холбооны Шүүхээс гаргасан цагаачдад тавьсан хоригийг царцаах тогтоолыг хэсэгчлэн сэргээхийг хүлээн зөвшөөрсөн байна.
Тус саналын бичигт, цагаачдад хориг тавих тогтоол нь хувь хүн болон аж ахуй нэгжтэй үнэн бодитой харилцаа холбоотой гадаад хүн Америк улсад орохыг хориглож болохгүй. Харин Америкт хөл тавьж үзээгүй, садан төрөлгүй, ажил төрлийн харилцаагүй хүмүүст түр хориг тавина гэжээ.
Энэ бол Америкийн Дээд шүүхийн хүчин төгөлдөр санал боловч үүнд ямар нэгэн шүүгч гарын үсэг зураагүй байна.
Далайнтуяа
Өдөр дутмын 
