ХОУР-гийн дарга Хятадын хэвлэл мэдээллийн семинарт оролцсон төлөөлөгчидтэй уулзав

Хятадын Олон Улсын Радио       (GMT+08:00) 2017-06-30 17:27:14
30-нд ХОУР-гийн дарга Ван Гэннянь 2017 оны хөгжиж буй орнуудын гол гол хэвлэл мэдээллийн хэрэгслийн сайд нарын хэмжээний семинарт оролцсон төлөөлөгчидтэй уулзлаа. Ван Гэннянь, ХОУР-гийн хөгжлийн байдал, ялангуяа дижитал хэвлэл мэдээллийн байгуулалт, мултимедиагийн хамтын ажиллагааны талаар танилцууллаа.

Тэрээр: ХОУР 65 хэлээр дэлхийд хандан нэвтрүүлэг цацдаг. Хятадыг гадаадад таниулж, гадаадыг Хятадад таниулж, Хятадын тухай үнэн бодит мэдээлэл өгдөг. Сүүлийн жилүүдэд ХОУР уламжлалт мэдээллийн хэрэгслээс шинэ мэдээллийн хэрэгсэл рүү шинэчлэгдэж байна. Семинарт оролцсон төлөөлөгчидтэй байнгын хэлхээ холбоотой байж, харилцан суралцаж, улс түмний найрамдлыг ахиулахад хувь нэмэр оруулахыг хүсэж байна гэжээ.

Холбоотой мэдээ
Сэтгэгдэл