БНСУ, АНУ-ын хоёр арми хамтарсан цэргийн сургууль хийжээ

CRI       (GMT+08:00) 2017-07-05 16:56:17

5-нд БНСУ-ын арми, БНСУ-д суугаа Америкийн армийнхан хамтарсан цэргийн сургууль хийсэн байна.

БНСУ, АНУ-ын хоёр арми мөн өдөр хамтарсан цэргийн сургуулийн үеэр Солонгосын хойгийн зүүн хэсгийн усан хилд олон пуужин харваж, үүнд БНСУ-ын Hyunmoo II баллистик пуужин, БНСУ-д суугаа Америк цэргийн "газар газар" ангиллын стратегийн пуужингийн системийг хамарсан байна.

Мөн өдөр БНСУ-ын хэвлэлийнхэн ерөнхийлөгчийн ордны мэдээнээс эшилж тэмдэглэхдээ, БНСУ-ын ерөнхийлөгч Мун Жэ Ин хамтарсан цэргийн сургууль хийх тушаал гаргаж, БНСУ, АНУ-ын холбоотон пуужингаас эсэргүүцэн хамгаалах байр сууриа илэрхийлжээ. Цэргийн сургуулийг АНУ-ын ерөнхийлөгч Доналд Трамп ч батлан зөвшөөрчээ.
4-нд БНАСАУ тив хоорондын баллистик пуужин амжилттай хөөргөснөө мэдэгдсэн юм. Тус пуужин товлосон замаараа 39 минут нисэж, Солонгосын хойгийн зүүн хэсгийн усан хил дэх объектоо оносон байна.

Холбоотой мэдээ
Сэтгэгдэл