Өнөөдөр 10-р сарын 20, 1938 оны энэ өдөр, Японы түрэмгийллийн эсрэг зүүн хойд нутгийн холбооны эмэгтэй цэргүүд эрэлхэгээр тулалдан, сум дарь, хүнс хоол тасарсан хүнд нөхцөлд нугаршгүй байлдаж, эцэстээ мөрний хөвөөнд хашигдаад гарах газаргүй болсон үед хамтдаа мөрөнд үсрэн орж баатарлагаар амь үрэгдсэн агуу үйл явдал тус дайны түүхийн мөнхийн дурсамж болж билээ.
1937 оны эцсээр, Япончууд 25 мянга гаруй цэрэг цуглуулан, мөрний доод урсгалын нутгийг бүсэлж, Японы түрэмгийллийн эсрэг зүүн хойд нутгийн холбоот цэргийг дарахаар их хэмжээний дайралт үүсгэжээ. 1938 оны 4-р сард, Японы түрэмгийллийн эсрэг зүүн хойд нутгийн холбооны 2-р замын армийн ерөнхий командлалын газар энэхүү хатуу дайралтыг эсэргүүцэн тулах шийдвэр гаргаж, Баочин, Раохэ зэрэг газрын байлдааныг үргэлжлүүлэх зорилгоор 4-р, 5-р армийг 2 замаар баруун зүгт шилжүүлэхэд, Япон цэрэг төв болон зүүн шугамыг хааж, урагшлах замыг тасалсан байв. 6-р сарын сүүлчээр, Японы түрэмгийллийн эсрэг зүүн хойд нутгийн холбооны 2-р замын арми баруун зүгийг зорьсон хоёр замын армитай нэгдэн, Ү-чан, Шүланийг чиглэн урагшилсан бөгөөд 7-р сарын дунд 10 хоног болон сүүлийн 10 хоногт Вэйхэ шяний Лөүшань сууринг эзлэн авч, Жүхэ шяний Юаньбаожэнь сууринг ч мэдэлдээ авч ялалт байгуулжээ. 8-р сарын эхээр, Японы тал Харбинь, Чанчүнь зэрэг газраас агаараар цэргээ татан, Японы түрэмгийллийн эсрэг зүүн хойд нутгийн холбооны 2-р замын армийг бүслэн байлдав. 9-р сарын эхээр, баруун зүгийг зорьсон 2 замын арми Японы бүслэлтийг шувтлан гарч, Ү-чан шяньд орсон боловч Японы тал их цэргээр нэхэн байлдаж байсан тул олон сараар хатуухан тулалдсан тэд нар хүнд хохирол амсаж, 5-р армийн 1-р дивизээс зуу гаруйхан хүн үлдэж, бие даан байлдаж явцгаажээ. 10-р сарын дунд 10 хоногт, барууныг зорьсон цэргийн 5-р армийн 1-р дивиз зэрэг хэсэг арми Мүданьжян мөрний сав газарт буцахдаа Үсхүүн голын эхэнд Япон цэрэгтэй халз тулгараад даруй галын хүчээ зохион байгуулан тулалджээ.
Энэ үед эмэгтэй цэргийн хорооноос жолоодогч ЛэнЮнь, багийн ахлагч ЯнГүйжэнь, ХүШиүжи, угийн 4-р армийн хөнжил хувцасны үйлдвэрийн дарга АньШүньфү, байлдагч ЛиФэншань, ГүөГүйчинь, ХуанГүйчин, ВанХүйминь нар л үлдсэн байв.Тэдний хамгийн эгч нь 23-тай, отгон нь 13 настай. Тэд армийн гол хүчнийг бүслэлтээс гаргахад туслахын төлөө дайсан уруу шууд дайралт хийж, дайсны гол хүчний анхаарлыг татаж байсан бөгөөд дайсны олон удаагийн ширүүн довтлолтыг гэдрэг цохин ухруулж, их цэргийн амар тайван шилжин явахад нандин боломж гаргаж өгсөн байлаа. 10-р сарын 20-нд, тэдний сум дарь, гранат дуусаж, улангассан дайсан бүчин ирэх үед ЛэнЮнь нөхдөдөө хандан, "Нөхөдөө, бид бол ХКН-ынг ишүүн, Японы түрэмгийллийн эсрэг холбооны байлдагч тул хугарахаас биш нугарахгүй, яасан ч олзлогсод болохгүй" гэж шийдэмгий хэлээд, үлдсэн ганц гранатыг галзуу дайсны сүрэг уруу шидэн, гранат дэлбэрэх ялдамд буунуудаа сүйтгэж хаяад, шархадсан нөхдөө үүрч, "Босоцгоо дарлагдсан ардууд" хэмээн Интернационалын дууг хангинатал дуулсаар ширүүн урсгалтай Үсхүүн гол уруу хамтдаа үсрэн оржээ. "8 эмэгтэй цэрэг мөрөнд үсрэн орж үрэгдсэн" баатарлаг дууль ийнхүү бичигдсэн юм.
Японы түрэмгийллийн эсрэг Зүүн хойдын холбооны энэ 8 эмэгтэй байлдагч бол Японы түрэмгийллийн эсрэг Хятадын ард түмний үй олон баатарлаг хамт олны нэгэн төлөөлөл, мөн харгис хатууд нугаран дагахгүй, улс орны төлөө амь биеэ хайрлахгүй махран зүтгэж байсан Хятадын ард түмний гарамгай зүтгэлтнүүдийн төлөөлөл юм.
Өдөр дутмын 
