Өнөөдөр түүхнээ: Японы эсрэг дайн 1938.10.28

Өнөөдөр 10-р сарын 28, 1938 оны 10-р сарын энэ өдөр, 8-р замын армийн 120-р дивизийн 359-р бригад Шаньши мужийн Гуанлин шяний Шаожяжуан тосгонд Япончуудыг отон байлдаж, 300 гаруй дайсныг устгасан юм. 

1938 оны 4-р сарын сүүлийн 10 хоногт, Японы түрэмгийллийн эсрэг дайны суурин газрыг бэхжүүлэн өргөтгөж, гол фронтын тулааныг туслахын тулд, Шаньши, Цахар, Хэбэй-гийн цэргийн тойрог болон 8-р замын армийн 120-р дивизийн 359-р бригад 8-р замын армийн ерөнхий штабын нэгдсэн командлал дор, Бэйпин-Сүйюань, Бэйпин—Ү-хань, Тяньжинь-Пүкөү зэрэг төмөр зам дагуух хот сууринг эзэлсэн дайсантай ширүүн тулалдаж, Хятадын умард нутагт байсан Япончуудыг зүрх алдуулж билээ. 9-р сарын 10-аас Хятадын умард нутагт байсан Япон цэргийн командлагч Тераүчи Хисаичи 110-р, 26-р, 109-р дивиз болон өөрсдөө бүлэглэн бие даасан 2-р, 4-р бригадыг нийлүүлэн, 50 мянга гаруй их цэргээр Японы түрэмгийллийн эсрэг Шаньши, Цахар, Хэбэй-гийн түшиц газруудыг бүслэн, ширүүн байлдав.

8-р замын армийн ерөнхий штабаас Япончуудын оролдлогод чиглүүлэн, Шаньши, Цахар, Хэбэй-гийн цэргийн тойргийн командлагч бөгөөд улс төрийн зөвлөлийн гишүүн НеРүнжэний удирдсан арми болон 120-р дивизээр гол болгож, өргөн олон өрхийн цэргийн партизануудтай хамтран, дотор гадар шугамыг хослуулан, өргөн дэлгэр партизан дайн болон ашигтай нөхцөл дэх хөдөлгөөнт дайныг уялдуулан ашиглах тулааны стратегийг хэрэгжүүлэн, дайсны бүслэлтийг устгах бодлого тогтоосон юм.  

10-р сарын 28-нд, 8-р замын армийн 120-р дивизийн 359-р бригадын даргын авсан мэдээнд, "Японы өөрсдөө бүлэглэн бие даасан 2-р бригадын дарга, хошууч генерал ЧенГенГү Жанчхүү-гээс Юи-шянь орохдоо Гуанлин, Линчю дамжин өнгөрнө" гэсэн тул 719-р хороо болон 717-р хорооны 1-р хэсгийг Шаожяжуан тосгоноор отуулж, 718-р хорооны 1-р хэсгийгЛинчю-гээс хойш 10 км зайтай орших ХуанТайСы хийдийн орчимд отуулан, хүчээ төвлөрүүлэн дайсантай байлдах бэлтгэл хийжээ. 28-ны өдрийн 8 цагийн үеэр, Линчю-д байсан Япон цэрэг хошууч генерал ЧенГенГү нарыг угтан авахаар арван хэдэн авто машинаар умар зүгт хөдлөн гараад 8-р замын армийн 718-р хорооны отолттой учирч, 200 гаруй цэргээ алуулаад, Линчю-д ухран оржээ. 10 цагийн үеэр, ЧенГенГү тусгай хүчин, их буут сум, барилгын сум зэргийн 200 гаруй цэргийг удирдан, арван хэдэн авто машинаар Гуанлин-гаас Шяожяжуан-г зорьжээ. 8-р замын армийн 719-р хорооны 1-р батальон, 717-р хорооны 9-р сум Япон цэргийг гэнэдүүлэн дайрч, гардан тулалдаад, дайсны цэргийн олонхыг устгаж, Чен Ген Гү-гийн гар доорх олон офицерыг устгажээ. Япон цэргйин Гуанлин-гаас гарсан тусламжийн цэргийг 719-р хорооны 1-р хэсэг Жанжяваньд тосон устгажээ. 8-р замын армийн 359-р бригад энэ удаагийн байлдаанд 300 гаруй дайсныг устгаж, арван хэдэн авто машиныг дэлбэлсэн юм.

Шяожяжуан-гийн отолтын тулаан бол 1938 оны намар Япончууд Шаньши, Цахар, Хэбэйг бүслэн хаасны эсрэг дайны чухал нэг хэсэг юм. 8-р замын арми 1938 оны 9-р сарын 20-оос 11-р сарын 7-ынг хүртэлх хугацаанд Шаньши, Цахар, Хэбэйг бүслэн хаасны эсрэг дайнд Япон болон хуурмаг цэргээс 5200 гаруйг устгаж, Ү-хань хотыг хамгаалахаар Японтой байлдаж байсан гол дайныг дорвитой дэмжиж чадсан юм.