1938.10.30, Мажяюаний тулаан эхлэв

Өнөөдөр бол 10-р сарын 30, 1938 оны энэ өдөр, шинэ 4-р армийн 3-р дивиз Мажяюаньд Япончуудтай тулалдан, Япон болон хуурмаг цэргийн довтлолтыг цохин ухруулсан юм.

Шинэ 4-р армийг зохион байгуулсны дараа, Хятад иргэн улсын засгий газраас Шинэ 4-р армийн үүрэг хариуцлагыг тогтоож, Жянсү-гийн өмнөд хэсэг, Аньхүй-гийн төв хэсгийн дайсны ар тал юм уу хажуу талаас нь партизан дайн хийж, дайсныг гэнэдүүлэн дайрч, зам харилцааг нь таслан, эрхэндээ оруулах хэрэгтэй гэжээ. Тэгээд Шинэ 4-р армийн 3-р дивизэд зүүн талаасаа Ү-хү, Шюаньчэн зэрэг газраас аваад баруун тийш Түнлин, өмнө зүгт Чинян, умард зүгт Хөх мөрний хөвөө хүртэлх газрыг даалгаж өгчээ.

1938 оны 5-р сард, ТаньЖэньлинь 3-р армийг удирдан, шинэ 4-р армийн ерөнхий штабыг дагаж, Яньсы хийдээс умард зүгийг зорьж, Жиншяний Тинтаньжэнь суурингийн Янцүнь, Наньлин шяний Гэлинь суурингийн Люжяцүнь тосгоноор дамжин, 2 сарын гаруй цэгцлэлт сургуулилт хийгээд, Японы түрэмгийллийн эсрэг дайны Аньхүй мужийн өмнөд хэсгийн гал фронтод хүрч, хамгаалалтын үүрэг гүйцэтгэсэн юм. Тэд өмнө зүгт Жанжядү, умар зүгт Хөхмөрөн, зүүн зүгт Ү-хү, Шюаньчэн, баруун зүгт Чинян, Датүнжэнь суурин хүртэлх 50 км хүрэхгүй урт бүсийг хяналтдаа байлгаж байсан юм.

Энэхүү зурвасхан бүс Японы их цэрэг суусан Ү-хү болон Хятадын төв нутаг дахь Япон цэргийн командлалын газар сууж бйасан Наньжин хотоос ойрхон бөгөөд уул олон бартаа ихтэй болохоор цэрэг арми отож далдлахад ашигтай, мөн Хөхмөрний дунд, доод урсгалын сав газрын зам харилцааг хяналтдаа авах чухал газар, шинэ 4-р армийн ерөнхий штабаас Хөхмөрний умард хөвөөн дэх өөрийн армитай харилцаа холбоо барих чухал зам суваг байсан юм.

10-р сарын сүүлийн 10 хоногт, Ваньжи-д сууж байсан Япон цэргийн 15-р дивизийн 60-р нэгдсэн хүчин болон 116-р дивизийн 1-р хороо Хятадын шинэ 4-р армийн 3-р хүчний харьяаны Наньлингийн зүүн хойд хэсгийн Мажяюань зэрэг газрыг халдан довтлов. Түүний хариуд Хятадын шинэ 4-р армийн 3-р хүчний 6-р хорооны 3-р батальоныг Мажяюань, Фүзижүе, Шижяцүнь орчмоор байрлуулан, гол хамгаалалт хийлгэж, 5-р хорооны 3-р батальоныг Паомашань-д байрлуулан, сэрэмжийн болон хажуугийн дайралт хийлгэж, 5-р хорооны 1-р батальон болон 1-р хорооны 2-р батальоныг пүчяо гүүр, Чин-И-жян мөрөн дагуу байрлуулан, бэлтгэл хүчин болгов. 3-р хүчний зүүн гарын ар талд Гоминьданы 144 дивиз, баруун гарын ар талд Мөн Гоминьданы 108-р дивиз байлдаж байсан юм.

10-р сарын 30-нд, Японы 500 гаруй цэрэг Хүняншү, Чиншүйтанийг довтлоод шинэ 4-р армийн хориглолттой учран ялагджээ. 11-р сарын 3-нд, Японы талаас 400 гаруй цэрэг нэмж байлдсан боловч стратегийн зорилтдоо хүрч чадсангүй. Түүнээс хойш, Хятадын 3-р хүчин ширүүхэн гэдрэг дайралт хийж, Япон цэргийг ухруулсан төдийгүй Мажяюань зэрэг газрыг мэдэлдээ авсан юм. 4-нд, үүр хаяарах үеэр, 5-р хорооны 3-р батальон Хүняншү-г довтолсон ба бас 2 сумыг Ваньжи болон Жиүлишаньд илгээж довтлуулсанд дайсан түшиц газартаа ухран оржээ.

4 хоног тулалдаад, шинэ 4-р армийн 3-р хүчин Япон болон хуурмаг цэргээс 300 гаруйг устгажээ. Мажяюаний тулаан бол шинэ 4-р армийн 3-р хүчин Аньхүй мужийн өмнөд хэсэгт орсны дараа хийсэн хамгийн том байлдаан юм.1938 оны 12-р сард, тус 3-р хүчин томилолтоор Түнлин, Фаньчан-гийн мөрний хөвөө дагуу нутгаар партизан дайн хийж, нөхөрсөг цэргийн Японтой байлдахад тусалсаар байсан юм.