Өнөөдөр түүхнээ: Японы эсрэг дайн 1941.11.30

Өнөөдөр 11-р сарын 30, 1941 оны энэ өдөр, Японы түрэмгийллийн эсрэг дайныг дэмжигч олон улсын найрсаг зүтгэлтэн, Герман сэтгүүлч Ханс Шиппе Японы түрэмгийллийн эсрэг Хятадын Шаньдүн мужийн гал фронтод амь үрэгджээ.

Японы түрэмгийллийн эсрэг Хятадын ард түмний дайныг энх тайвныг эрхэмлэн, шударга ёсыг баримтлагч дэлхийн улс орон, ард түмэн бүхэн дэмжин тусалсан юм. Америкийн нэрт сэтгүүлч Эдгар Снов, Америк сэтгүүлч Агнес Смедлей, Зөвлөлт анд Дмитрий Клестов, Англи сэтгүүлч Жамс Бертрам, Герман сэтгүүлч ХансШиппе, Канад эмч Бетюн, Энэтхэгийн эмчилгээний багийн эмч Кварканац С.Котнис нар олон харшлал бэрхшээлийг даван туулж баймаажин Японы түрэмгийллийн эсрэг Янь-ань зэрэг суурин газруудаар танилцан айлчилж, шинжилгээ хийж, Японы түрэмгийллийн эсрэг Хятадын ард түмний дайныг идэвхтэй дэмжиж, биечлэн оролцож явсан юм. Үүнд Канад, Америкаас Хятадад туслах эмчилгээний багийн Бетюн, Энэтхэг улсаас Хятадад туслах эмчилгээний багийн Кварканац С.Котнис, Германы коммунист намын гишүүн, сэтгүүлч Ханс Шиппе нар Хятадын ард түмний эрх чөлөө болон дэлхийн фашизмын эсрэг үйлст алтан амиа зориулсан юм. 

Ханс Шиппе бол Германд их сургуульд суралцан, ажилчны хөдөлгөөнд оролцож явсан бөгөөд Германы коммунист намын гишүүн юм.Тэрээр 1925 онд Хятадад ирээд Хятадын умар зүгт дайлах дайнд оролцсон. 1927 онд Жан Кайши 4-р сарын 12-ны хувьсгалын эсрэг төрийн хувьсал гаргасны дараа Европт буцсан. 1932 онд дахин Хятадад ирээд 1938 онд Янь-аньд ирж, 1939 онд Вань наньд хүрч, шинэ 4-р армийн жанжин штабаас ярилцлага авсан. 1941 онд Сүбэй орж, Японы түрэмгийллийн эсрэг суурин газраар сурвалжилга хийж яваад, дараа нь 8-р замын армийн 115-р дивизийг сурвалжилсан. Тэрээр ХКН болон Хятадын ардын хувьсгал, Японы түрэмгийллийн эсрэг дайны талаар маш олон мэдээлэл гаргасан юм.

1941 оны 11-р сарын 2-нд, Япон дээрэмчид И мэншаний бүсийн Японы түрэмгийллийн эсрэг дайны түшиц газруудыг самнан устгах их дайралт хийсэн юм.8-р замын армийн Шаньдүнгийн отрядын командлалын газар хэсэг бүлэг хуваагдан, бүслэлтийг сэтлэн гараад И-шюй голоос баруун хойш Наньчянгү хөндийд орсон юм. 5-ны үр хаяарах үеэр, Японы 12-р армийн гол хүчин "төмөр хүрээ" маягийн хоморго дайны арга хэрэгжүүлэн, 8-р замын армийн 115-р дивизийг дайран довтолсон юм. 5-ны шар бүрийн үеэр, 8-р замын армийн 115-р дивизийн командлалын газар зэрэг удирдах байгууллагын 5000 гаруй хүн Лютяний түшиц газартаа Япон дээрэмчдийн 20 мянгаад цэрэгт бүслэгджээ. Мөн орой, 8-р замын арми бүслэлтийг баруун өмнө зүгт сэмхэн сэтлэн гараад дайсны бүслэн хаасан хоёр ч шугамыг шувтлан өнгөрч, Бүшаньжуан тосгонд хүрч, 6-нд нь Фэйшяний зүү хойд хэсгийн Хуан бүчяньд шилжин очжээ.

Япон цэргүүдийн хэсэг хуваан бүслэн хааж устгах гэсэн арга барилыг бут цохиж, суурин газрын иргэдийн амь нас, эд агуурсны аюулгүй байдлыг хамгаалахын төлөө 12-ны өдөр, 8-р замын армийн 115-р дивизийн удирдах байгууллага болон гол хүчин И мэншаний суурин газартаа буцсанаас хойш, дайсны олон удаагийн хоморго дайралтад учирсан тулд ахин бүслэлтийг шувтлан гарчээ. 

12-р сарын 4-нд,  115-р дивизийн шууд харьяаны 1-р отряд болон И мэншаний отряд Далан хар уулын ойролцоох Вэнчэнзи хавьд Японы хоморгод өртөн, маш их хохирол үзсэн ба олон улсын найрсаг зүтгэлтэн, Герман сэтгүүлч Ханс Шиппе аз бусаар амь үрэгджээ. Ханс Шиппе халуун цус алтан амиараа Японы түрэмгийллийн эсрэг Хятадын ард түмний дайныг дэмжсэн юм. Түүний эрэлхэг баатарлаг үйл явдлыг Хятадын ард түмэн өнө мөнх бат цээжилж явна.