Өнөөдөр 12-р сарын 15. 1944 оны энэ өдөр, Мао Зэдүн Шаань Гань Нин буюу Шааньшигийн умард хэсэг, Ганьсү, Ниншягийн зүүн хэсгийн хязгаар нутгийн 2-р хугацааны 2 дахь хуралд "1945 оны ажил үүрэг" гэсэн сэдвээр илтгэл тавьсан юм.
МаоЗэдүн: Фашизмын эсрэг ерөнхий дайн асар их амжилттай урагшилж байна. Ирэх жил Гитлерийг татан буулгах болно. Бидний цорын ганц үүрэг бол холбоот онорнуудтай хүч хамтран Япон түрэмгийлэгчдийг үлдэн хөөх явдал юм. Бүх Хятадын ард түмний ерөнхий үүрэг бол: эв санаа нэгтэй байж, ардчиллаар нэгдсэн засгийн газрыг түргэн байгуулахын төлөө Хятадын ард түмнийг дайчлан хичээн зүтгэх явдал болно гэжээ.
МаоЗэдүн: өдгөө Хятадын эрх чөлөөгөө олсон нутаг "Японы түрэмгийллийг эсэргүүцэн, эх орноо аврах төв" болоод байна. Эрх чөлөөгөө олсон нутгийн ард түмэн 1945 онд 15 зүйлийн ажил үүргийг биелүүлэх ёстой. Үүнд голдуу: эрх чөлөөгөө олсон нутгийн цар хүрээг өргөтгөн бэхжүүлэх, дайсны эзэмшилд байгаа нутгийн хэмжээг багасгана. Жинхэнэ цэрэг, партизан анги, өөрийгөө хамгаалах хүчин, өрхийн цэргийг дасгал сургуулилтад хамруулан, өргөтгөж, армийн дотоод нэгдэл нягтралыг эрчимжүүлэн, ард армийн харилцааг улам сайжруулна. Үндэстний нэгдмэл фронтыг эрчимжүүлэн, Японы түрэмгийллийн эсрэг нэгдмэл фронтын захиргаанд "коммунист намын гишүүд гуравны нэг, зүүний дэвшсэн хүнийх гуравны нэг, дундыг баримтлагч болон бусад талууд нийлээд гуравны нэг хувийг эзлэх дүрэм"-г нухацтай хэрэгжүүлнэ. Татвар хураамжийг багасгах хөдөлгөөн өрнүүлнэ. Аж үйлдвэрийг ихээр дэлгэрүүлэх арга хэмжээ авна гэжээ. Тэрээр, чөлөөлөгдсөн бүсийн ард армийг хүнд байдалд тэсвэр тэвчээртэй ажиллаж, дайсанд эзлэгдсэн боловч өнөөгийн байдлаар эзэмшилдээ авч чадах боломжтой нутгуудыг чөлөөлөгдсөн бүсийн хүрээнд хамруулж, дайсны талыг аль болохоор хотын мухар гудамж юм уу гуу сужиг мэтийн хавчиг шахуу газарт хашиж мохоох, устгах хэрэгтэй гэжээ.
Мао Зэдүн илтгэлдээ, ардчиллыг бадруулахыг онцлов. Тэрээр: бидний ажлын явцад зарим удирдлага хүнд суртал гаргаж, бусдын санал шүүмжийг сонсохгүй, ардчиллыг хэрэгжүүлэхгүй байна. Олон шатны удирдлага бусдын саналыг сонсох үүрэг хариуцлагатай. Үүнд хоёр зарчмыг мөрдөнө: нэгт, мэдсэнээ хэлж, хэлснээ хийнэ. Хоёрт, хэлэгсэдэд ялгүй, сонсогсод цээрлэл болгох. Албан тушаал хариуцагч бидний тушаалын бага их нь хамаагүй бүгд л ард түмний үйлчлэгч мөн. Бидний хийж буй бүхэн ард түмний төлөө юм. Тэгэхээр бид болж бүтэхгүй зүйлээ орхих хэрэгтэй. Алдаа дутуугаа засаж чадвал нэн өргөн олон ард түмэнтэй эв санаа нэгтэй байж, ажил үйлсээ улам түргэн хөгжүүлж чадах юм гэжээ.
МаоЗэдүнгийн уриалгын дагуу дайсны эсрэг суурин газруудын арми ард 1945 онд, Япон дээрэмчид болон хуурмаг цэрэгтэй 1944 оныхоос цар хэмжээгээр өргөн, ширүүн тулалдаж, сүүлдээ бүр бүх талын довтлолт хийснээр Япон түрэмгийлэгчид буун өгч, чөлөөлөгдсөн нутаг үндэсний хэмжээнд өргөжиж, ардын зэвсэгт хүчин хүчирхэгжин, МаоЗэдүнгийн гаргасан холбоотон орнуудтай хамтран Япон түрэмгийлэгчдийг хөөж гаргах гэсэн зорилтыг биелүүлж, Японы түрэмгийллийн эсрэг дайнд ялалт байгуулсан юм.
Өдөр дутмын 
