Өнөөдөр түүхнээ: Японы эсрэг дайн 1937.12.22

Өнөөдөр 12-р сарын 22. 1937 оны энэ өдөр, Хятадын урвагч Чяо Хүннянь Японы цэргийн талын өгсөн захирамжийн дагуу Наньжин хотноо "цэрэг цэнгүүлэгч бүсгүйнх үрээлэн" гэдгийг байгуулав.

Япон цэрэг Хятадад цөмрөн орж ирсний дараа, олон газарт "цэрэг цэнгүүлэгч бүсгүйн хүрээлэн" гэдгийг олноор байгуулж, Хятад, Солонгос зэрэг эмэгтэйчүүдийг хүчээр татан, Япон цэргүүдэд бэлгийн боол болгож, "цэрэг цэнгүүлэгч бүсгүй"-н дүрэм гэх завхай самуун тогтолцоог хэрэгжүүлсэн юм.

1932 онд, Япон цэргүүд Шанхайд тэнгисийн цэргийн тусгай үйлчилгээний "цэрэг цэнгүүлэгч бүсгүйн хүрээлэн" гэдгийг байгуулаад, түүнийгээ "1-р курсийн салон" хэмээн алдаршуулсан юм. Япон дээрэмчид бүх Хятадыг эзлэх дайныг эхлүүлснээс хойш, иймэрхүү "цэрэг цэнгүүлэгч бүсгүйн хүрээлэн" гэдгийг маш олныг байгуулжээ. 1937 оны 12-р сарын сүүлчээр, Хятадын төв нутагт сууж байсан Япон цэргийн командлагч Мации Иване "цэрэг цэнгүүлэгч бүсгүйн хүрээлэн" гэдгийг байгуулах захирамж гаргаснаар Японы армиуд бүгд л иймэрхүү "цэрэг цэнгүүлэгч бүсгүйн хүрээлэн" гэдгийг байгуулсан юм.

Эмэгтэйчүүдийг хүчээр татаж, Япон цэргийн бэлгийн боол болгодог "цэрэг цэнгүүлэгч бүсгүйн хүрээлэн" гэдгийн заримыг нь Япончууд шууд байгуулсан. Жишээнь: 16-р арми Наньжинд орсны дараа, цэргийн хороо болгондоо "цэрэг цэнгүүлэгч бүсгүйн хүрээлэн" гэдгийг байгуулжээ. Тэгээд үүндээ голдуу тухайн нутгийн эмэгтэйчүүдийг уулгалан авчирдаг байлаа. Бас заримыг нь Японы цагаач иргэд цэргийн талын тушаалыг үндэслэн байгуулсан юм. Япон цэрэг Наньжин хотыг эзэлсний дараа, Японы цагаач иргэн "цэрэг цэнгүүлэх нутгийн хүрээлэн" гэдгийг байгуулаад, эхэндээ Япон эмэгтэйчүүдийг татдаг байсан боловч сүүлдээ Хятад эмэгтэйчүүдийг хууран мэхэлж, олноор татсан юм. Бас заримыг нь Хятадын урвагчид Япон цэрэгт дуулгавартай ажиллаж, тэдний тушаалын дагуу байгуулсан юм. 1937 оны 12-р сарын 22-ны өдөр, Хятадын урвагч Чяо Хүннянь даруй Японы цэргийн талаас өгсөн тушаалыг хүлээн авч, Наньжин хотноо "цэрэг цэнгүүлэгч бүсгүйн хүрээлэн" гэдгийг байгуулсан юм. Энд байсан 200 гаруй эмэгтэйчүүдийг цөм тухайн газраас хүчээр татжээ. Фүхөүган-д байгуулсан "цэрэг цэнгүүлэгч бүсгүйн хүрээлэн" гэдэг нь тусгайлан Япон офицеруудад зориулсан ба Тие Гуаньшян-д байгуулсан нь тусгайлан энгийн цэргүүдэд зориулсан байжээ.

Япон цэргүүд хүрсэн газар болгондоо иймэрхүү "цэрэг цэнгүүлэгч бүсгүйн хүрээлэн" гэдгийг байгуулсан юм. Жянсү мужийн Чанжөүд, Япон цэргүүд 1938 оны 1-р сарын 20-нд, "цэрэг цэнгүүлэгч бүсгүйн хүрээлэн" гэдгийг байгуулаад, "цэрэг цэнгүүлэгч бүсгүйн хүрээлэн"-г ашиглах дүрэм тогтоож, армиудын зүгээс ийм газарт очих өдөр, цагийг тогтоожээ. Жэжян мужийн Ханжөү хотоос Япон цэргүүд 20 мянгаад эмэгтэйчүүдийг баривчилж, нас, зүсээр нь дээд, дунд, доод гэх гурван зэрэгт хувааж, тоо номер тогтоогоод, олон газрын "цэрэг цэнгүүлэгч бүсгүйн хүрээлэн"-д хүргэжээ. 

Японы дайны ялтнуудын дуртгалд тэмдэглэснээр, Япон цэргүүд Хятадад эзэлсэн газар болгондоо "цэрэг цэнгүүлэгч бүсгүйн хүрээлэн" гэдгийг байгуулсан төдийгүй зүүн өмнөд Азийн бусад орнуудад ч ингэж байгуулсан байлаа. Япон цэргүүд хаа хүрч хоновол тэндхийн "цэрэг цэнгүүлэгч бүсгүйн хүрээлэн"-д очиж, бэлгийн боолчлол явуулдаг байжээ. Үүнд Хятад эмэгтэйчүүдээс гадна, Солонгос, цаашлаад Япон эмэгтэйчүүд, зүүн өмнөд Азийн ч байсан юм. "цэрэг цэнгүүлэгч бүсгүйн хүрээлэн" гэдгийг байгуулж, эмэгтэйчүүдийг хүчээр татан, их цар хэмжээний бэлгийн боолчлол явуулж, эмэгтэйчүүдийг тарчилгаан хал үзүүлж байсан явдалд бол Япон цэргийн үйлдсэн тоогүй олон жигшүүрт гэмт хэргийн нэг нь юм. Үүнийг хэн ч баллаж чадахгүй.