Усаар баян балгас... сэтгүүлчийн аян замын тэмдэглэл

     Удалгүй Баруун Үзэмчний төв "Балгаргол" балгасны бараа ч харагдаж, машин зогслоо. Биднийг ханхар том цээжтэй, хүдэр гурван бөх эр угтан авлаа. Энэ гурван эр ирсэн гийчид бүрийг угтаж авдаг гэвэл та гайхах байх. Эрээн хотод орж ирсэн гийчдийг үнсэлцэж байгаа хоёр үлэг гүрвэл угтаж авдаг бол, энэ нутагт хоёр нь монгол дээлтэй, нэг нь монгол бөхийн өмсгөлтэй гурван бөхийн асар том хөшөө угтан авна. Өндөрлөг дээр байрлуулсан болохоор үнэхээр сүртэй.