Нүүдэлчид

Ө.Начин

Хөх тэнгэрийн орондоо адуугаа л хариулж өссөн
Эх түүхийн ачааг зүрхэндээ л дааж явсан
Уул голынхоо уудамд уянга дуугаа л шингээсэн
Он цагийн салхинд говь хангайн шиг хөөрсөн

Орчлонгийн их хүрдний хөл хөсгүй эргээнд
Онгон сүнсээ эгүүлж дархан алдраа манасан
Олж заяасан насны учрал тавилангийн туучаанд
Удмын тулгаа тулж алтан ясаараа овоглосон

Уул уулынхаа хөтлөөр учрахын ёрөөлтэй нүүдэлчид
Хун шувууныхаа ганганаагаар уярахын жаргалтай нүүдэлчид
Цаг түүхийн мананд хат шиг сэхүйсэн нүүдэлчид
Итгэл хүслийнхээ идэнд хаан шиг тэнийсэн нүүдэлчид

Нүүдэлчид гэдэг
Их байгалийн амьд түүх
Нүүдэлчид гэдэг
Эх дэлхийн хамгийн шударга хүүхэд