• Хятадын олон улсын радио• Монгол хэлний редакци

Миний нутгийн гоёл

CRI       (GMT+08:00) 2011-07-01 16:05:33
Миний нутгийн гоёл

Уулс уулсын оройд ороолцон
Үүл нь уулсаа эмжин гоёно
Намиран ивлэх бороо хурыг
Нарны туяа солонгоор гоёно
Суунаглан хөөрөх аргалын утаа нь
Сайхан нутгийг минь чимэн гоёно
Сувдан цагаан хонид налайж
Саруул нутгийг минь шигтгэн гоёно
Халин дүүлэх жигүүртэн нь ганганаж
Хүний сэтгэлийг баясган гоёно
Хараа саатам төгөлдөр гоо охид нь
Хүрэн зүрхийг хайраар гоёно
Илбэн сэвэлзэх бүлээн салхи нь
Итгэл сэтгэлийг хөдөлгөн гоёно
Шагшиж биширмээр ачит эхчүүдийг
Шулагнах үр нь инээдээр гоёно
Туналзан урсах болор ус нь
Тансаг ургамалыг жаргалаар гоёно
Тунгалаг дөлгөөн шөнийн нууранд
Тэргэл саран тольдон гоёно \Г. Гансүхийн бичсэн шүлгүүдээс\

Холбоотой мэдээ
Сэтгэгдэл
Webradio
Webvideo
Ярилцлага
Хятад хэл сурах

Күнзийн
сургалтын
танхим

Өдөр дутмын
хэрэглээний
хятад хэлний
хичээл
Цааш>>
Уран зохиолын кафе