БНХАУ-ын хэргийг Монгол улсад түр хамаарагч эрхэмсэг ноён Ван Фүканы сар шинийн мэндчилгээ

      Эрхэм хүндэт сонсогчдоо, Та бүхэнд энэ өдрийн амгаланг айлтгая. Монголын Цагаан сарын ирэхийн өмнөхөн миний бие БНХАУ-ын ард түмэн болон тус Элчин сайдын яамны нэрийн өмнөөс найрсаг Монголын ард түмэнд баярын мэндчилгээ сайн сайхны ерөөлийг дэвшүүлж байна.

     Өнгөрсөн жилд Монгол Улсын эдийн засаг хөгжиж, нийгмийн байдал тогтвортой, ард түмний амьдрал тасралтгүй сайжирсан билээ. Хөрш орны хувьд Хятад Улс үүнд чин сэтгэлээсээ баярлаж байна.

     2010 он бол Хятад улсын хөгжлийн явцад энгийн бус жил мөн. Бид зуун жилд тохиолдсонгүй ган гамшиг, Хөхнуур буюу Чинхай мужийн Юйшүгийн газар хөдлөлт, Ганьсу мужийн Жоучюйгын шаврын гулгалтын гамшгийг даван туулсан. Зовлонтой цагт Монголын найз нөхөд бидэнд дэмжлэг туслалцаа үзүүлжээ. Бид Шанхайн ЭКСПО-г амжилттай зохион байгуулж, Хятадын үндэстнүүдийн зуун жилийн мөрөөдлийг биелүүлсэн. Монголын ард түмэн бидэнтэй хамт энэхүү баярын хуваалцсан юм аа.

     2010 онд Хятад Монгол хоёр орны харилцаа их сайхан хөгжиж ирсэн. Энэ он бол хоёр улсын харилцааны ердийн бус жил юм. БНХАУ-ын Төрийн Зөвлөлийн Ерөнхий сайд 16 жилийн дараа Монгол Улсад дахин айлчилж, Монгол Улсын Ерөнхийлөгч Хятад улсад төрийн айлчлал хийж, Ерөнхий сайд, Тэргүүн шадар сайд, Шадар сайд нар Хятадад очиж олон талын арга хэмжээнд оролцсон. Хоёр орны бүх салбарын найрсаг харилцаа, солилцоо тууштай хөгжиж ирсээр байна. Хятад Монголын найрсаг харилцааг бүх талаар хөгжүүлэх нь хоёр ард түмэнд бодит ашиг учруулсан юм.

     Шинэ жилд Монгол Улсын эдийн засгийн хөгжилд сайхан түүхэн завшаан тохиолдож байна. Монгол Улсын Засгийн газрын удирдлагын дор Монгол улсын бүх үйлсийг тасралтгүй урагшлуулж, ард түмний амьдралын төвшинг байнга дээшлүүлэх болно гэдэгт бид гүнээ итгэж байна.

     Үгийн эцэст Монголын сонсогч та бүхэнд сар шинийн мэндчилгээ дахин дэвшүүлж, Та бүхэнд эрүүл энх, гэр бүлийн аз жаргал, сайн сайхан бүхнийг хүсэн ерөөж байна.