БНХАУ-ын Соёлын яам, Сычуань мужийн ардын засгийн газар дэлхийн олон орны ард түмэн болон олон улсын байгууллагад баяр талархлаа илэрхийлэх, мөн олон улсын хамтын нийгэмлэгт гамшигт нэрвэгдсэн бүс нутгийн агуу өөрчлөн байгуулалтыг шууд мэдэрч ойлгуулах үүднээс АНУ, Их Британи, Франц, ОХУ, Герман, Япон, Итали, Испани, Австрали, Египет, БНСУ зэрэг 11 орны 20 шахам гэрэл зурагчны 2000 гаруй бүтээлээс 40 гэрэл зургийг сонгон үзэсгэлэн гаргалаа. Гэрэл зурагчид халуун цэгээс авсан фото зурагнаас гамшгийн дараах сэргээн босголтын талаарх тэдний өвөрмөц мэдрэмж, ойлголтыг ухаарч, хүн төрөлхтний чухал түүхэн үйл хэргийн гэрч болгохыг зорьсон юм.
Гай гамшиг нь хүмүүст байгалийг улам сайн танин мэдэж, хүн байгалийн харилцаа холбоо зохицолдооны тухай үзэл баримтлалыг урагш хөгжүүлэн, эх болсон байгаль дэлхийтэйгээ илүү ойртож, хүн төрөлхтөнд илүү ашиг тус хүртээх явдлыг мэдрүүлдэг. Гай гамшгийг даван туулснаар хүн төрөлхтөн эв санаа нэгтэй хамтран ажиллах болжээ. Вэньчуаний газар хөдлөлтийн гамшгийн дараах сэргээн босголтод хэрэгжүүлж буй нээлттэй, багтаамжтай, солилцоо хамтын ажиллагааны арга хэлбэр нь олон улсын хамтын нийгэмлэгийн дэмжлэгийг олж, олон түмэнд хүлээн зөвшөөрөгдсөн ба хүн төрөлхтөн гай гамшгийг хамтаар даван туулах шинэ эринг угтаж, хүн төрөлхтний оюун санааны гэр орноо цогцлон байгуулах шинэ арга замыг нээсэн байна. Үзэгчдийн өмнөх дөчхөн зураг гурван жилийн сэргээн босголтын бүхий л явцыг бүрэн харуулж чадахгүй ч эдгээр шилдэг урлагийн бүтээлээр амар тайван амьдрал, зол жаргалтай эвсэг зохицонгуй амьдарч байгаа ард түмэн, экологийн соёл иргэншил, соёлын өвөрмөц онцлогуудтай шинэ орчин та бидний өмнө маргашгүй үнэнээр дэлгэгдэж байна.
1 2 3 4 5 6
Өдөр дутмын 
