Бид хамтдаа аялж байна

      Гарт минь хуучны нэгэн зургийн цомог байна. Зураг бүхэн өөр өөрийн урт аялал, үлгэр түүхийг өгүүлэх гэж яаран байх шиг санагдана. Ирмэг нь багахан элэгдэж шарласныг эс тооцвол бараг зураг доторх хүмүүсийн дүр төрх нь бараг дэргэд байх шиг тод үзэгдэх эртний нэгэн зураг эрхгүй хараанд минь өртлөө. 1923 он "Бээжин хот" гэсэн бичигтэй энэ зургийг Монгол улсын ахмад дайчин Жамьяангийн Чойсүрэн бага ахуйдаа эцэг эхийн хамт Хятад газар аялахдаа Бээжингийн фото зургийн газар татуулжээ.

 
МУ-аас БНХАУ-д суугаа ЭСЯ-ны консулын хэлтсийн дарга, зөвлөх О.Энхтөр
Наньжин-Бээжингийн хурдны галт тэргэнд 

      90 жилийн тэртээ тэмээн хөсөг, галт тэрэг сэлгэн хөлөглөж, бүтэн жил зарцуулан байж туулдаг байсан 5000 гаруй километрийн аяллыг өнөөдөр техник технологийн өндөр хөгжил, Хятад Монгол хоёр орны бүх түвшний найрсаг харилцааны үр шимээр хагас өдөр хүрэхгүй хугацаанд л туулах болжээ. Уул ус залгаа, мөнхийн эрх ашиг бүхий хөрш зэргэлдээ орны хувьд харилцан бие биенээ таньж мэдэх, давуу сул талуудаа нөхвөрөх нь зайлшгүй бодит хэрэгцээ юм. Тийм ч болохоор манай хоёр орны хувьд төрийн хэмжээний айчлалаас эхлээд жирийн иргэдийн харилцан аялж жуулчлах нь ч улам бүр нэмэгдсээр байна.

      1. Монгол улсын иргэн Хятадад хэд хоног визгүй зорчих эрхтэй вэ?

      2. 2013 онд Монгол улсын хэчнээн жуулчин Эрээн боомтоор дамжин өнгөрсөн бэ?