Францд айлчилж байгаа Хятад улсын төрийн зөвлөлийн ерөнхий сайд Вэнь Жяабао орон нутгийн цагаар 6-ны өдөр Францын өмнөд хэсгийн Марсеиллес хотод байгаа Европын нисдэг тэрэгний компани болон дэлхийн анхны ITER төсөлтэй танилцсан байна.

    Европын нисдэг тэрэгний компанийн ноднины үйлдвэрлэсэн иргэний хэрэглээний нисдэг тэрэгний дэлхийн зах зээлд эзлэх хэмжээ нь 62%-д хүрсэн байна. Уг компани нь Хятад улсын олон аж ахуйн нэгжтэй олон жил хамтын ажиллагаатай байж, Хятад улстай хамтран ажиллах талаар нааштай байр суурь авч байна.

    ITER төсөлийн төлөвлөгөөг бол ноднин 6-р сард Америк, Орос, Европ, Япон, Хятад, БНСУ энэ 6 тал хамтаараа боловсруулан тогтоосон юм. Вэнь Жябао ITER төсөлийн үйлдвэрийн талбай, туршилтын төв, туршилтын барилга зэрэгтэй танилцсан байна. Тэрээр хэлэхдээ, эрчим хүчний эх сурвалж хайхын төлөө Хятад Франц хоёр орон шинэ эрчим хүчний салбар дахь хамтын ажиллагаагаа цаашид хөгжүүлэх хэрэгтэй байна гэжээ. (Буян орчуулж, Пэрлаймаа хянав)