Энэ оноос эхлэн жил болгоны 6-р сарын хоёрдох долоо хоногын бямба гаригыг Хятадын "соёлын өвийн өдөрлөг" болгохоор байна.

    Хятадын соёлын дурсгалт зүйлсийн хэрэг эрхэлсэн үндэсний газрын холбогдох албаны хүн танилцуулж хэлэхдээ: Хятадын соёлын өвийг хамгаалж байгаа ажлын одоох байдал тийм өөдрөг биш байна. "Соёлын өвийн өдөрлөг" гаргахаар дамжин, нийт иргэдийн соёлын өвийг хамгаалах ухамсрыг дээшлүүлэхийг засгийн газар хүсч байна гэжээ.

    Эх сурвалжын мэдээнээс үзвэл, Хятад улс бас соёлын өвийг хамгаалах зорилт тогтоосон байна. тухайлбал: 2010 он гэхэд соёлын өвийг хамгааллатыг ил тод сайжруулах, 2015 онд соёлын өвийг хамгаалах нэлээд боловсронгуй системийг үндсэнд нь бүрэлдүүлж, түүх, соёл болон шинжлэх ухааны үнэ цэнтэй соёлын өвийг тал бүрээр хамгаалж, соёлын өвийг хамгаалах явдлыг нийгэм нийтийн санаачлагат үйл ажиллагаа болгох болно.

    Соёлын өвийг эвдэн сүйтгэж байгаа байдлыг хориглон зогсоохын төлөө, Хятад улс бас соёлын өвийг хамгаалах хариуцлагын дүрэм болон хариуцлага нэхэх дүрэм тогтооно. \Пэрлаймаа орчуулж,Баатар хянав\