22-ны өдөр Хятадын засгийн газараас Хятадад суугаа гадаад орнуудын элчин сайдын яамдад Хятадын ерөнхий сайд Вэнь Жябаогийн гарын үсэг зурсан 2010 оны Шанхайн Дэлхийн яармагын албан урилгыг гардуулж, Хятад улстай дипломат харилцаатай орнуудыг тус яармагт оролцохыг элэгсэгээр урисан байна.

    2010 оны Шанхайн Дэлхийн яармаг нь Хятад улсад, өөрөөр хэлвэл хөгжиж байгаа оронд болох гэж байгаа анхны дэлхийн яармаг юм. Энэ яармаг " хот, амьдралыг нэн сайн сайхан болгоно" уриан доор болж, олон улсын хамтын нийгэмлэгийн анхаарлыг хотын хөгжлийн асуудалд нэн илүү хандуулж, хотын ирээдүйн хөгжлийн талаар байгаль орчин хийгээд хөгжил, хүн хийгээд байгаль зохицсон хэв загвар хайн сүвэгчилж, дэлхийн улс түмний хамтын хөгжилд тус дөхөм үзүүлэх юм байна. \Цэцэн орчуулж, Пэрлаймаа хянав\