Лхас хотоос 100 шахам километр зайтай оршидог Лхас голын гол урсгал дээр байгуулж байгаа усан цахилгаан станцын гол цогцолбор барилгыг өнөө үндсэнд нь дуусгаад байна. Уг усан цахилгаан станцын барилга байгуулалтын ажлыг удирдах газрын дэд дарга Лүө Жүн жюнь хэлэхдээ, Түвдийн усан цахилгаан станцын хамгийн том цогцолбор болох энэхүү барилга байгуулалтын ажил энэ оны 10-р сараас ус хадгалж эхлэх бөгөөд оны сүүлчээр анхны хэсэг цогцолборуудыг холбож цахилгаан гаргах болно гэжээ.

    Уг цахилгаан станц нь Түвдийн "10-р 5 жилийн төлөвлөгөө"-ний хугацаан дахь дагнасан хөрөнгө оруулалттай хамгийн том барилгын ажил болох бөгөөд, 1 тэрбум 336 сая 950 мянган юаний нийт хөрөнгө оруулалтынх нь 80%-ийг нь улсаас санхүүжүүлсэн байгаа юм. Холбогдох талынхны танилцуулснаас үзвэл, 100 мянган киловатт цахилгаан гаргах чадалтай уг цогцолборын бүх ажлыг 2007 оны сүүлчээр дуусгахаар төлөвлөж байна. Энэхүү барилга ашиглалтанд орсоны дараа, цахилгаан гаргахаар гол болгож, үер уснаас сэргийлэх ба усжуулахыг хавсарган, компьютерын хяналт удирдлагатай тэргүүний системийн ашиглан цогцолборын ажиллагааг бүх талаар удирдан явуулах болно. \О.Дарамбазар орчуулж Номин хянав.\