Хятадын Худалдааны Яамны сайд Бө Шилай Америкийн Худалдааны Яамны сайд Карлос Гутиеррезтэй 28-ны өдөр Бээжинд хэлэлцээ хийхдээ, Хятад Америк хоёр орон оюуны өмчийн эрхэнд халдсан үйл ажиллагааг таслан зогсоох талаар харилцаа, хамтын ажиллагаагаа эрчимжүүлэх ёстой гэж тэмдэглэсэн байна.

    Бө Шилай хэлхэдээ, Хятад улс хуурамч компакт диск үйлдвэрлэхийг хатуу хориглож, хэрэглээний зах зээл болон төрөл бүрийн үзэсгэлэн яармаг дээр нэрт маркийн бүтээгдэхүүнийг тууштай хамгаалан, оюуны өмчийн эрхэнд халдсан үйл ажиллагаагтаслан зогсооход хүчин чармайлтаа нэмэгдүүлж байна. Хятадын талын гаргасан хүчин чармайлт, олсон амжилтыг гүйцэд олж харахыг Америкийн талд хүсэж байна. Оюуны өмчийн эрхэнд халдах явдал нь Хятад Америкт бүр оршиж байгаа дэлхийн чанартай асуудал болно. Хятад Америк хоёр тал оюуны өмчийн эрхэнд халдсан үйл ажиллагааг таслан зогсоох талаар харилцаа, хамтын ажиллгагаагаа эрчимжүүлэх ёстой гэжээ.

    Гутиеррез хэлэхдээ:, хоёр талын худалдааг хөгжүүлэхийн тулд Хятадын авч явуулж байгаа идэвхтэй арга хэмжээг Америкийн тал анхааралдаа авч байна. Хятадын талтай ойлголцол, хамтын ажиллагаагаа өргөжүүлэхийг хүсч байна гэжээ. /Урангоо орчуулж, Баясгалан хянав/