Хятад улсын гадаад харилцааны сайд Ли Жаошины урилгаар БНАСАУ-ын гадаад харилцааны сайд Пак Намсун 5-р сарын 30-наас 6-р сарын 6-ны өдрүүдэд Хятад улсад айлчлах болно гэж Хятадын ГХЯ-ны хэвлэлийн төлөөлөгч Лю Жяньчао 23-ны өдөр Бээжинд хийлгэсэн хэвлэлийн бага хурал дээр мэдэгдсэн байна.

    Лю Жяньчао хэлэхдээ, айлчлалын үеэр Пак Намсун сайд Ли Жаошинтэй хэлэлцээ хийх болно. Хоёр тал хоёр орны харилцаа харилцан сонирхож байгаа бүс нутгийн болон олон улсын асуудлаар санал бодлоо солилцох болно. Хятад улсын удирдагчид сайд Пак Намсунтай уулзах юм. Бээжингээс гадна, тэрээр бас Гуан Жөүд танилцан айлчилна гэжээ.Танилцан айлчлах нь хоёр орны хоорондох ойлголцлогыг нэмэгдүүлж, улс орноо бүтээн байгуулж байгаа талын зарим арга туршлагаа харилцан солилцоход ашигтай юм гэж Лю Жяньчао хэллээ. /Урангоо орчуулж, Баясгалан хянав/