БХАТИХ-ын байнгын хорооны дарга Ү Бангүө 31-ний өдөр Европийн 4 оронд хийсэн айлчлалаа өндөрлөөд Бээжинд буцан ирсэн байна. Энэ айлчлал нь Хятад болон түүний айлчилсан орнууд хоорондын улс төрийн итгэлцлэгийг нэмэгдүүлэн, Хятад болон уг 4 орны ажил хэрэгч хамтын ажиллагааг ахиулсан гэж Ү Бангүөтөй хамт айлчилсан БХАТИХ-ын байнгын хорооны нарийн бичгийн даргын орлогч Цао Вэйжөү эх орондоо буцах замд мэдэгдсэн байна.

    Ү Бангүө урилгаар 17-ноос 30-ны өдрүүдэд Румын, Молдов, Грек, Оросод албан ёсны найрсаг айлчлал хийсэн бөгөөд Москвад болсон ШХАБ-ын гишүүн орнуудын Парламентын дарга нарын анхны уулзалтад оролцсон байна. Айлчлалын хугацаанд Ү Бангүө дээрхи 4 орны удирдагчидтай хоёр талын харилцаа, эдийн засаг худалдааны хамтын ажиллагаа, Парламентын солилцоо, харилцан сонирхож байгаа олон улсын болон бүс нутгийн чухал асуудлаар өргөн хэмжээнд нийтлэг ойлголттой болсон байна.

    Цао Вэйжөү хэлэхдээ, энэ айлчлал нь Хятад болон холбогдох орны уламжлалт эв найрамдлыг зузаатгаж, улс төрийн итгэлцэлийг нэмэгдүүлж, харилцан ашигтай хамтын ажиллагааг гүнзгийрүүлж, Хятад Европийн харилцаа болон Хятад Оросын харилцааны хөгжилд тус дөхөм үзүүлэхэд чухал ач холбогдолтой болсон гэжээ. Улс төрийн итгэлцлийг нэмэгдүүлж, харилцан ашигтай хамтын ажиллагааг ахиулан, Парламентын харилцааг өргөжүүлсэн нь энэ айлчлалын тодорхой амжилт мөн гэж тэрээр онцлон тэмдэглэсэн байна. \Урьхан орчуулж, Пэрлаймаа хянав.\