Хятадын Гадаад Харилцааны Яамны хэвлэлийн төлөөлөгч Чинь Ган 18-ны өдөр Бээжинд холбогдох асуудлаар сурвалжлагчийн сонирхсон асуултанд хариулахдаа, Америкийн Төрийн департаментын "2006 оны жил тутмын олон улсын шашны эрх чөлөөний тухай тайлан" дахь Хятад улстай холбогдсон агуулгын хэсэгт Хятадын шашны болон үндэстний цөөнхийн бодлогыг үргэлжлэн зэмлэн буруушааж, олон улсын харилцааны үндсэн хэм хэмжээг зөрчин, Хятадын дотоод хэрэгт хөндлөнгөөс оролцсон байна. Хятадын тал үүнд маш дургүйцэж хатуу эсэргүүцэл илэрхийлж байна гэжээ.

    Чинь ган хэлэхдээ, Хятадын Засгийн газар иргэдийн шашин шүтлэгийн эрх чөлөөг хуулийн дагуу хамгаалсаар ирсэн юм. Хятадын үндэстнүүд, олон газрын ард иргэд хуулийн дагуу шашин шүтлэгийн эрх чөлөөгөө бүрэн эдэлж байна. Энэ бол гуйвуулж болшгүй үнэн хэрэг юм гэлээ.

    Арга барилаа өөрчилж, дотоодынхоо шашны эрх чөлөө зэрэг асуудлыг зөвөөр хандаж, шашны асуудлаар Хятадын дотоод хэрэгт хөндлөнгөөс оролцохоо зогсохыг Хятадын тал Америкийн талд шаардаж байна гэж Чинв Ган тэмдэглэжээ. \О.Дарамбазар орчуулж, Цэцэн хянав\