Олон улсын дүрэм горимын дагуу 2008 оны Олимпийн наадамд оролцох олон орны төрийн тэргүүн, засгийн газрын тэргүүн, вангийн аймаг төрлийн төлөөлөгч зэрэг олон улсын хүндэт зочиддоо тус дөхөм болохуйц, өндөр үр ашигтай үйлчилгээ хангах болно гэж Бээжингийн Олимпийн зохион байгуулах хороо 19-ний өдөр гадаад орнуудаас Хятадад суугаа дипломат төлөөлөгчдөд Олимпийн наадмыг танилцуулах анхны хурал дээр мэдээлэв.

    Бээжин хотын намын хорооны нарийн бичгийн дарга, Бээжингийн Олимпийн зохион байгуулах хорооны дарга Лю Чи хурал дээр хэлэхдээ, бид олон улсын дүрэм горимын дагуу 2008 оны Олимпийн наадамд оролцох олон орны төрийн тэргүүн, засгийн газрын тэргүүн, вангийн аймаг төрлийн төлөөлөгч зэрэг олон улсын хүндэт зочиддоо ёслолын, бүртгэн тэмдэглэх, зам харилцаа, орон сууц, тасалбар олгох, аюулгүйн хамгаалалт зэрэг талаар тус дөхөм болохуйц, өндөр үр ашигтай үйлчилгээ болон онцгой зочинсог хандах болно гэжээ.

    Олимпийн наадмыг танилцуулах энэ хурал Бээжинд болж, 110 гаруй орноос Хятадад суугаа 170 гаруй дипломат төлөөлөгч оролцсон байна. \Буян орчуулж, Цэцэн хянав\