Өнөө Хятадын ТӨЗР-ны сургуулийн насны хүүхдийн сургуульд орж байгаа тоо 96%-д хүрч байна. 1959 онд Түвдэд ардчилсан өөрчлөлт хийхээс өмнө тухайн нутгийн 90 гаруй хувийн залуу идэр насны хүмүүс бүгд үсэг бичигт тайлагдаагүй байж, жирийн иргэд боловсрол олж авах боломжгүй байсан юм.

     Түвд өргөн уудам газар нутагтай, далайн түвшнээс дунджаар 4000 метр илүү өндөрт байрлаж, түвдчүүдээр гол болгосон 2 сая 700 мянган хүн тархай бутархай амьдарч Түвд тариачин малчдын үр хүүхэд сургуульд орох нь маш их бэрхшээлтэй байсан юм. Түвдийн ард түмний боловсрол хүртэх эрхийг баталгаажуулахын төлөө Хятадын засгийн газар Түвдийн бүх дунд бага сургууль хоол, хоногийн болон сургалтын зардлыг улсаас төлөх бодлого хэрэгжүүлж байгаа юм.

     Одоо ТӨЗР-д мянга гаруй дунд бага сургууль байгаа бөгөөд тусгай сургалт, мэргэжлийн сургалт, дээр боловсролын сургалт зэргийг багтаасан орчин үеийн нэлээд бүрэн боловсролын системтэй болсон байна.\Баатар орчуулж, Буян хянав\