Монгол улсын Ерөнхий сайд Миеэгомбын Энхболд 22-ний өдөр Бээжинд хүрэлцэн ирж, Хятад улсад зургаа хоногийн албан ёсны айлчлал хийж байна.

     М.Энхболд Хятадын Ерөнхий сайд Вэнь Жябаогийн урилгаар Хятадад айлчилж байгаа юм. Айлчлалын хугацаанд Бүх Хятадын АТИХ-ын Байнгын Хорооны дарга Ү Бангүө, Ерөнхий сайд Вэнь Жябао, УТЗЗ-ийн Бүх Хятадын Хорооны дарга Жя Чинлинь нартай тус тус уулзах юм.Тэрээр мөн Хятад Монголын аж ахуйн нэгжийн эздийн эрдэм шинжилгээний бага хуралд оролцох юм байна.

     Энэхүү айлчлал нь М. Энхболд энэ оны 1-р сард Монгол улсын ерөнхий сайд болсны дараа Хятадад хийж байгаа анхны айлчлал юм.Тэрээр айлчлал эхлэхээс өмнө сурвалжлагчид өгсөн ярилцлагандаа Хятад, Монгол хоёр орны харилцаа болон хоёр орны бүх салбарын хамтын ажиллагаа эрчимтэй хөгжиж байна, энэ айлчлал маань хоёр орны харилцаа болон эдийн засаг худалдааны хамтын ажиллагааны хөгжлийг цаашид ахиулах болно гэдэгт итгэж байна гэжээ. /Хүчит орчуулж, Цэцэн хянав/