Шянганы худалдааны ерөнхий танхимын 13-ны өдөр нийтэлсэн шинжилгээний дүнгээс үзвэл, Шянганы худалдаа үйлдвэрийн салбарын хүмүүс 2007 оны Шянганы эдийн засгийн хэтийн төлөвт сэтгэл хангалуун байгаа бөгөөд, хөгжлийн энэхүү аятай нөхцөл 2008 оныг хүртэл үргэлжлэх болно гэж үзэж байгаа юм байна.

    Шянганы худалдааны ерөнхий танхим 10, 11-р сард энэ оны "худалдааны хэтийн төлвийн тухай асуулт хариултын шинжилгээ" хийж, эдийн засаг хийгээд худалдааны орчин ахуй, өрсөлдөх хүчин чадал, засгийн газрын үүрэг роль, Шянган хийгээд дотор газрын эдийн засгийн харилцаа зэрэг агуулга бүхий 45 асуулт гаргасан юм.

    Шинжилгээний дүнгээс үзвэл, түүнд хамрагдсан 42,7 хувийн компани нь Шянганы ерөнхий байдлын талаар сайн юм уу, маш сайн гэж хариулсан нь өнгөрсөн оны 22,6 хувиас хол өндөр байна. 2008 оны хэтийн төлвийн талаар өөдрөг байр суурьтай компани 37,9 хувьд хүрчээ. \Цэцэн орчуулж,Урангоо хянав.\