Ирэх жил Хятад улс үнэт цаас, даатгалын салбар дахь мөнгө угаахын эсрэг ажлыг эрчимжүүлэх болно гэж Хятадын төв банк болох Хятадын ардын банкны захирал Жөү Шяочуань 25-ны өдөр Бээжинд хэлсэн байна.

     Тэрээр мөнгө угаахын эсрэг ажлын хуралд хэлэхдээ, ирэх жил нь Хятадын мөнгө угаахын эсрэг хуулийг хэрэгжүүлэх анхны жил мөн, хуулийн тогтоолын дагуу холбогдох салбарын үүрэг хариуцлагыг тодруулж, байгууллага хоорондын хамтын ажиллагааг цаашид бэхжүүлэх ёстой. Мөнгө угаахын эсрэг хууль тогтоолын системийг боловсронгуй болгож, асар их хэмжээний арилжаа наймаа болон сэжигтэй арилжаа наймааг хяналтдаа авч, судлах төвшнг дээшлүүлэн, мөнгө угаасан гэмт хэргийг илрүүлж шийдвэрлэх хүчин чадлаа нэмэгдүүлэх хэрэгтэй гэжээ. \Урьхан орчуулж, Буян хянав\