Хятадын төрийн зөвлөлийн ерөнхий сайд Вэнь Жябаогийн урилгаар Израилийн ерөнхий сайд Ехуд Олмерт 9-ний өдөр Бээжинд хүрэлцэн ирж Хятадад албан ёсны айлчлалаа эхлүүлэв.

      Тэрээр Израилийн ерөнхий сайд болсныхоо дараа анх удаа Хятадад айлчилж байгаа бөгөөд сүүлийн 8 жилийн турш Хятадад айлчилсан Израилийн анхны ерөнхий сайд болох юм. Айлчлалын хугацаанд, Хятад улсын дарга Хү Жиньтао, ерөнхий сайд Вэнь Жябао Олмерттай тус тус уулзах бөгөөд хэлэлцээ хийж, хоёр тал Хятад Израилийн харилцаа болон хамтран сонирхож байгаа олон улс, бүс нутгийн асуудлаар санал бодлоо солилцох болно.

      Бээжинд байх хугацаанд, Олмерт Хятад Израилийн үнээний үлгэр жишээ фермтэй танилцах бөгөөд Хятад Израилийн дипломат харилцаа тогтоосны 15 жилийн ойн концертод оролцох болно. \Г. Сайн-Өлзий орчуулж, Баясгалан хянав.\