Хятадын хөгжил өөрчлөлтийн үндэсний хорооны дарга Макай 12-ны өдөр Бээжинд хэлэхдээ, ноднин жил Хятадын дотоодын үйлдвэрлэлийн нийт бүтээгдэхүүн 20 триллион юаньд хүрч, 2005 оныхоос 10.5 хувиар өсөх төлөвтэй байгааг онцлов.

     Макай мөн өдөр болсон тайлангийн хурал дээр хэлэхдээ, ноднин жил Хятадын улс ардын аж ахуй өндөр хурдтай, сайн үр ашигтай, тогтвортой хөгжлийн хандлагаа хэвээр хадгалжээ. Эдийн засгийн эргэлтийн явцад зарим зөрчлүүд намжиж, ноднин жилийн сүүлийн хагаст Хятадын үндсэн хөрөнгийн хөрөнгө оруулалт аажмаар буурсан байна гэжээ.

     Тэрээр цааш нь, энэ онд Хятад улс макро зохицуулалтыг улам эрчимжүүлэн боловсронгуй болгож, эдийн засгийн хөгжлийн аятай байдлыг хэвээр хадгалахын зэрэгцээ өргөжүүлэх болно гэжээ.

     2005 онд, Хятадын дотоодын үйлдвэрлэлийн нийт бүтээгдэхүүн 1 тэрбум 800 сая юаньд хүрч, 2004 оныхоос 9.9 хувиар өссөн байна. \Г. Сайн-Өлзий орчуулж, Баясгалан хянав.\