Хятадын нийгмийг аюулаас хамгаалах яамны хилээр орж гарахыг удирдах газрын орлогч дарга Ли Чян-юу 25-ны өдөр Бээжинд хийлгэсэн хэвлэлийн бага хурал дээр танилцуулж хэлэхдээ, ирэх жилийн Бээжингийн олимпийн наадмын хугацаанд олимпийн наадамд бүртгүүлсэн биеийн үнэмлэхтэй гадаадын иргэн бүртгүүлэх үнэмлэх нь хүчинтэй хугацаанд виз авахгүйгээр Хятадад ирж болно гэжээ.

       Тэрээр сэтгүүлчийн сонирхсон асуултад хариулах үе хэлэхдээ: олимпийн наадмыг зохион явуулах эрхийг амжилттай олсны дараа Хятадын засгийн газар, олимпийн ёс заншил болон дүрэм горимыг мөрдөнө гэж олон удаа илэрхийлсэн бөгөөд Хятадад ирэх гадаадын найз нөхдөд дөхөм нөхцөл хангасаар ирсэн юм. Олимпийн наадамд бүртгүүлсэн биеийн үнэмлэхтэй гадаад иргэд бүртгүүлэх үнэмлэх нь хүчинтэй хугацаанд олимпийн наадмын өмнө хойно нэг сарын дотор виз авахгүйгээр Хятадад ирж болно. Олимпийн наадмын бэлтгэл ажлын хугацаанд Хятадад ажиллах шаардлагатай хүмүүст холбогдох салбараас дөхөм нөхцөл олгож болох бөгөөд нэг жилийн ажлын виз олгоно гэжээ./Рэнчинсоо орчуулж, Баатар хянав/