Бээжингийн Олимпийн наадмын зохион байгуулах комисс энэ онд олимпийн наадмын талбай заал болон холбогдох дэд бүтцийн байгуулалтыг түргэтгэж, байгаль орчныг хамгаалах ажлаа эрчимжүүлж, хотын үйлчилгээ удирдлагын чадавхийг нэмэгдүүлэх болно гэж Бээжингийн Олимпийн наадмын зохион байгуулах комиссын дарга Лю Чи 8-ны өдөр мэдэгдсэн байна.

     Дарга Лю Чи мөн өдөр Швейцарын Лусаннед хуралдаж байгаа Олон улсын олимпийн хорооны гүйцэтгэх комисст 2008 оны Бээжингийн олимпийн наадмын бэлтгэл ажлын байдлыг он-лайнаар тайлагнсан байна.
Олон улсын олимпийн хорооны Гүйцэтгэх хороо болон Бээжингийн Олимпийн наадмын зохион байгуулах комисс 2008 оны олимпийн наадмын бэлтгэл ажлаар санал солилцсон байна. Бээжингийн Олимпийн наадмын зохион байгуулах комисс төлөвлөгөө ёсоор төрөл бүрийн бэлтгэл ажлаа гарамгай сайн хийж, ажил мэргэжлийн өндөр түвшнээ харуулсан байна, Олон улсын олимпийн хороо Бээжингийн Олимпийн наадмын зохион байгуулах комиссын ажилд сэтгэл хангалуун байна гэж Олон улсын олимпийн хорооны дарга Рогге болон Олон улсын олимпийн хорооны Олимпийн 29-р наадмыг зохицуулах комиссын дарга Вербругген нар илэрхийлсэн байна. /Урангоо орчуулж, Цэцэн хянав/