Хүүхэд залуучуудын дур сонирхолд нийцсэн үйл ажиллагаануудыг идэвхтэй өрнүүлж, хүүхэд залуучуудын эрүүлээр өсөн бойжиход шаардлагатай нийгмийн соёлын нөхцөл байх хэрэгтэй гэж Бүх Хятадын Ардын Төлөөлөгчдийн Их Хурлын байнгын хорооны орлогч дарга Гү Шиүлянь 13-ны өдөр онцолсон байна.

     Гү Шиүлянь мөн 13-ны өдөр хуралдуулсан холбогдох хурал дээр хэлэхдээ, шинэ өөрчлөлт оруулсан насанд хүрээгүй хүмүүсийг хамгаалах хуулийг энэ оны 6-р сарын 1-ээс хэрэгжүүлнэ, насанд хүрээгүй хүмүүсийг хамгаалах хуулийг сайтар хэрэгжүүлж, гэмт хэрэг үйлдсэн хүүхэд багачуудын хүмүүжил болон тэдэнд үйлчлэх ажлаа эрчимжүүлж, хүүхэд залуучуудын өсөн бойжиход нөлөөлж байгаа ил тод асуудлыг зохицуулж, хүүхэд залуучуудын гэмт хэрэг үйлдэхээс сэргийлэх ажлыг баттай ахиулах хэрэгтэй гэжээ. \Пэрлаймаа орчуулж, Буян хянав\