2008 оны Бээжингийн олимпын наадам ойртохын хэрээр Хятад улс бүх Хятадын хэмжээнд иргэдийн соёлч боловсон байх суртал ухуулгын ажиллагаа өрнүүлж байна.

    ХКН-ын Төв хорооны үзэл санааны боловсон байдлын байгуулалтыг жолоолох комисс 27-ны өдөр Бээжинд бүгд хурал хуралдуулж, уг ажиллагааг судлан байршуулсан байна. Бүх иргэдийн энэ соёлч боловсон байх ажиллагаад уралдаан тэмцээний талбайн боловсон байдал, үйлчилгээний ажил төрлийн боловсон байдал, хот суурины байгаль орчинг сайжируулах, зам харилцааны боловсон байдал зэрэг багтаж байгаа юм байна. Ажиллагааны зорилого бол Хятадын ард иргэдийн зочинсог, соёлч боловсон байх сайхан дүр төрхийг харуулахын төлөө юм.

    ХКН-ын төв хорооны Улс төрийн товчооны Байнгын хорооны гишүүн Ли Чанчүнь хурал дээр тэмдэглэхдээ, энэ удаагийн ажиллагаа нь нийгэмийн ёс суртахууны байгуулалтад оршиж байгаа асуудлуудыг зохицуулахад хүч тавьж, ард иргэдийн соёлч боловсон байдал болон нийгэмийн орчин үеийн соёлч боловсон байдлыг дээшлүүлнэ гэжээ. \Ч.Гантөмөр орчуулж, Цэцэн хянав\