Хятадын Төрийн зөвлөлийн Ерөнхий сайд Вэнь Жябао 5-ны өдөр БХАТИХ-ын жил тутмын ээлжит чуулганд Засгийн газрын ажлын тайлан хийх үедээ, боловсролын хөгжил болон боловсролын шударга байдалд тус дөхөм үзүүлэхийн төлөө Хятад улс орон даяар урамшууллын тэтгэлэг болон тэтгэлгийн дүрэм тогтоож хэрэгжүүлнэ. Үүнд зориулан Төв засгийн газар энэ онд 9 тэрбум 500 сая юань санхүүжүүлэх болно. Энэ нь 2006 оны санхүүжилтээс 6 дахин давах болно гэжээ.

     Ерөнхий сайд Вэнь Жябао тэмдэглэхдээ, Хятад улс улсын тэтгэлгийн зээлийн бодлогоо үргэлжлэн хэрэгжүүлж, ядуу амьдралтай хүүхдийн дээд боловсрол, ажил мэргэжлийн боловсрол хүртэхэд туслах болно гэжээ. /Урангоо орчуулж, Цэцэн хянав/