Аравдахь сонгуулийн БХАТИХ-ын 5-р чуулган болон аравдахь сонгуулийн УТЗЗБХХ-ны 5-р чуулган чуулахад гадаадын хэвлэл мэдээллийн хэрэгслүүд тэргүүн өгүүлэл мэдээ нийтэлж тайлбар хийсэн байна.

     Парист хэвлэгдэж байгаа Европын хамгийн том хятад хэлний сонин "NOUVELLES DEUROPE" сонин тэргүүн өгүүлэл нийтэлж, хоёр чуулган чуулсанд анхаарч байгаагаа илэрхийлж, Хятад улсын хэрэгжүүлж байгаа эвсэг зохицонгуй нийгэм байгуулах бодлогыг сайшааж байгаагаа илэрхийлсэн байна.

     Филиппиний "дэлхийн өдрийн сонин" тэргүүн өгүүлэл нийтэлж тэмдэглэхдээ: Хятадын ард иргэдйин улс төрийн амьдралд, бүх Хятадын улс төрийн зөвлөлдөх зөвлөл нь төрийн үйл хэрэгт гар бие оролцож, төрийн үйл хэргийг авч хэлэлцэх, ардчиллаар хяналт тавих үүргээ улам сайнаар гүйцэтгэж байна гэжээ. \Баясгалан орчуулж Номин хянав\