Хятадын Гадаад хэргийн сайд Ли Жаошин 6-ны өдөр хэлэхдээ, Японы засгийн газар түүхийн үнэнийг хүлээн зөвшөөрч, үүрэг хариуцлагаа даан, цэрэг цэнгүүлэгч бүсгүйн асуудлыг нухацтай зохистой зохицуулах ёстой гэжээ.

      Ли Жаошин Аравдахь сонгуулийн БХАТИХ-ын 5-р чуулганаас хийлгэсэн хэвлэлийн бага хурал дээр Шянганы сурвалжлагчийн сонирхосон асуултанд хариулахдаа, цэрэг цэнгүүлэгч бүсгүйг хүчээр татсан явдал Японы милитаристуудын дэлхийн хоёрдугаар дайны үед үйлдсэн гэмт хэргүүдийн нэг юм. Энэ бол түүхийн үнэн хэрэг мөн. Японы засгийн газар түүхийн үнэнийг хүлээн зөвшөөрч, үүрэг хариуцлагаа даан, энэ асуудлыг нухацтай, зүй зохистой зохицуулах ёстой. Түүхээс сургамж авч, ирээдүйд хандах нь асуудлыг зохицуулах хамгийн дөхөм, хамгийн бодитой арга мөн гэжээ. \Номин орчуулж, Цэцэн хянав\