Хятадын Ерөнхий сайд Вэнь Жябао 16-ны өдөр Бээжинд хэлэхдээ, нээлттэй бодлого хэрэгжүүлж, дэлхийн аливаа тэргүүний соёл иргэншлийн ололт амжилтаас суралцаж, бодитой байдалтайгаа уялдуулан Хятадын ардчилсан замаар замнахад Хятад улс бэлэн байна гэжээ.

     Тэрээр хэлэхдээ, ардчилал, эрх зүй, эрх чөлөө, хүний эрх, тэгш эрх, энэрэл хайр бол бүхийл дэлхийн өнө удаан түүхийн явцад бий болсон соёл иргэншлийн ололт амжилт, мөн ч хүн төрөлхтөний нийтээр хүсэн эрмэлзэлсээр байгаа үнэ цэнийн тухай үзэлт юм. Адил бус нийгмийн түүхийн хөгжлийн түвшин нь олон орон олон районы ардчилалын хэлбэр маяг болон арга замыг адил бус болгосон байна гэжээ.

     Вэнь Жябао хэлэхдээ, социалист ардчилал бол эцсийн эцэсдээ ард түмэн эзэн хүн болох явдал болно, үүнд ард түмний ардчилсан сонгууль, ардчилсан шийдвэрт бодлого, ардчилсан удирдлага хийгээд ардчилсан хяналтын эрхийг баталгаажуулж, эрх тэгш, шудрага, эрх чөлөөтэй байдал, хүн бүхнийг тал бүрээр хөгжүүлэх шаардлагатай юм гэжээ.\Буян орчуулж, Цэцэн хянав\