Энэ жил Хөдөө Аж Ахуйн Яам, боловсролын яам болон Хятадын шинжлэх ухаан техникийн нийгэмлэг зэрэг салбартай хамтран 100 сая гаруй тариачдыг шинжлэх ухааны сургалт дамжаа, техник мэргэжил эзэмшүүлэх, шинжлэх ухааныг нэвтрүүлэх зэрэг ажилд хамруулна гэж Хятадын Хөдөө Аж Ахуйн Яамны орлогч сайд Вэй Чао ань 22-ны өдөр Бээжинд хэлсэн байна.

     Үүнд тариачдыг хэрэглээний техникийн дамжаанд сургах, хөдөө тосгоны шинжлэх ухаан техникийн үлгэр жишээ өрхийг бэлтгэх, ургац хураалт болон ажлын байр сольж ажлаар хангагдах сургалт дамжаанд хамруулах, намгийн хий хэрэглэж байгаа айлуудад үйлдвэрлэлийн аюулгүйн ажиллагаанд сургах болон эрчим хүч хэмнэх зэргийн мэдлэг дадлагад сургах явдал багтаж байгаа юм байна. \Э.Цогзолмаа орчуулж, Г. Сайн-Өлзий хянав\