Бээжин хотын цаг уурын ажил эрхэлсэн газрын орлогч дарга хатагтай Ван Жяньже 25-ны өдөр Бээжинд хэлэхдээ, Бээжингийн цаг агаарын салбарынхан 2008 оны Олимпийн наадмд цаг агаарын аятай сайхан үйлчилгээ хангах болно гэжээ.

      Ван Жяньже танилцуулж хэлэхдээ, Олимпийн наадмын үеийн цаг агаарын урьдчилан мэдээлэх чадавхийг эрчимжүүлж, Олимпийн наадмын тэмцээний онцгой шаардлагыг хангахын тулд, Олимпийн наадмын цаг агаарын үйлчилгээний төв нь бүх талын ажиглан хэмжих систем байгуулж, гол техникийг судлан хөгжүүлэх эрч хүчээ нэмэгдүүлнэ, жишээлбэл, маш нарийн тодорхой тоо баримтаар урьдчилан мэдээлэх техник болон цаг агаарын гэнэтийн өөрчлөлтийг урьдчилан мэдээлэх техник зэрэг болно гэжээ.

      Ван Жяньже цааш нь хэлэхдээ, Олимпийн наадмын нээлтийн ёслол болон хаалтын ёслолын цаг агаар аятай сайхан байхыг батлах талаар цаг агаарын салбарынхан зохиомол аргаар үүл бороог зайлуулах зэрэг арга хэмжээ авч болзошгүй юм гэжээ.\Буян орчуулж, Пэрлаймаа хянав\