Хятадын төрийн зөвлөлийн Тайваний асуудал эрхэлсэн албаны хэвлэлийн төлөөлөгч Ли Вэй-и 16-ны өдөр Бээжинд хэлэхдээ, олимпийн гал бамбарыг Тайванаар дамжуулах асуудлаар Тайваны холбогдох тал элиг нэгэй ах дүү нарын ашиг тусыг чухалд үзэж, хоёр талын тохиролцсон нийтлэг ойлголт болон олимпийн гал бамбар дамжуулах шугамыг үргэлжилэн хэрэгжүүлэхийг эх газрынхан хүсэж байна гэжээ.

      Ли Вэй-и төрийн зөвлөлийн Тайвань асуудал эрхэлсэн албаны хийлгэсэн хэвлэлийн бага хурал дээр хэлэхэдээ, олимпийн гал бамбарыг Тайванаар дамжуулах асуудлаар, эх газрынхан Тайваны холбогдох талын саналыг хүндэтгэж, эрх тэгш зөвшилцөөнөөр дамжин, энэ жилийн 2-р сард 4 зүйлт нийтлэг ойлголтод хүрсэн юм, үүний дараа Тайваны тал захидал ирүүлж, уг 4 нийтлэг ойлголт болон Бээжингийн олимпийн наадмын гал бамбарыг Тайванаар дамжуулах шугамыг нотлон зөвшөөрсөн байна. Үүний дараа Олон улсын олимпийн хороо Бээжингийн олимпийн гал бамбарыг Тайванаар дамжуулах төлөвлөөгөөг баталсан юм. Гэтэл Тайваны эрх баригчид улс төрийн зорилгоос болж, ганц талаас хоёр талын тохиролцсон хэлэлцээрийг үгүйсгэсэн байна. Энэ бодит байдал нь "Эх газар Тайванийг доор үзэж байна" гэдэг хэллэг нь үндэс баримтгүй гэдгийг гэрчилсэн байна гэжээ. /Хүчит орчуулж, Урангоо хянав/