Өнөөгийн байдлаар Хятадын өмнөд нутгийн усыг умард нутагт татан оруулах төсөлд нийт 14 тэрбум 500 сая юаний хөрөнгө оруулж, 190 сая гаруй шоо метрийн чулуу шорооны ажлыг биелүүлсэн бөгөөд барилгын стандарт хангасан хэмжээ нь 100 хувьд хүрсэн байна гэж сурвалжлагч тун саяхан Хятадын Төрийн зөвлөлийн Өмнөд нутгийн усыг умард нутагт татах төслийн байгуулалтын хорооны хэрэг эрхлэх газраас мэдээлэв.

    Энэ төсөл нь Хятадын умард нутгийн ус дутагдаж байгаа хүнд байдлыг зохицуулахын тулд хэрэгжүүлж байгаа дэлхийн хамгийн том ус татах төсөл юм. Энэ төслийг зүүн шугам, дунд шугам, баруун шугам гэж 3 зам хувааж, тус тус Хөх мөрний доод сав газар, дунд сав газар, дээд сав газраас ус татаж умард нутагт оруулах болно. Уг төслийг 2002 оны 12-р сараас албан ёсоор хэрэгжүүлж эхэлсэн бөгөөд ерөнхий хөрөнгө оруулалт нь 500 тэрбум юаньд хүрч, бүх барилгын ажил нь 2050 онд дуусах юм байна. \Урьхан орчуулж, Цэцэн хянав\