Хятадын Түвдийн Өөртөө Засах Районы аялал жуулчлалын салбарынхны тооцоолж байгаагаар, 2007 онд Түвдийн хүлээн авч зочлох жуулчдын нийт хэмжээ давхардсан тоогоор 3 саяас давах төлөвтэй байгаа юм байна.

    Түвдийн Өөртөө Засах Районы Аялал Жуулчлалын Газрын холбогдох хариуцлагатан хэлэхдээ, 2006 оны 7-р сард Хөх-нуур—Түвдийг холбосон төмөр замаар галт тэрэг нэвтэрсний дараа, Түвдийн аялал жуулчлалын ажил төрлийн хөгжлийг боогдуулж байсан зам харилцааны бэхшээлтэй байдлыг үндсээр нь намжааж, Түвдийн аялал жуулчлалын ажил төрлийн хөгжлийг их хэмжээгээр ахиулсан юм. Түвдэд жуулчлагсад түргэн нэмэгдэж байгаа байдлын дагуу, Түвдийн Өөртөө Засах Район нь цуврал арга хэмжээнүүд боловсруулж, шинжлэх ухаанч тохируулалт хийж, жуулчдын орон сууц, хоол хүнсний асуудлыг сайтар зохицуулан таатай сайхан жуулчлуулж байна гэжээ.

    Холбогдох бүртгэлийн тоо баримтаас үзвэл, 2006 онд Түвдийн Өөртөө Засах Район дотоод гадаадын жуулчдыг давхардсан тоогоор 2 сая 500 мянгйг хүлээн авч, аялал жуулчлалын салбарын нийт орлого нь 2 тэрбум 800 сая юаньд хүрч түүхийн хамгийн сайн амжилт тогтоожээ. \О.Дарамбазар орчуулж, Буян хянав.\