Хятадын төв засгийн газрын бэлэглэсэн "Лэ Лэ", Ин Ин" гэдэг хоёр хулсны баавгай 7-р сарын 1-ний өдөр Шянганы тэнгис далайн цэцэрлэгт хүрээлэнд үзэгчидтэй золголоо. Мөн өдөр энэ хоёр хулсны баавгайг сонирхогчдын тоо 20 мянгаас давлаа гэж цэцэрлэгт хүрээлэнгийн ажилтан хэлж байна.

     Шянганы сонин хэвлэлийн мэдээлснээс үзвэл, энэ хоёр хулсны баавгайг үзэх гэж маш олон хүн эртлэн босч цэцэрлэгт хүрээлэнд очсон юм байна. Цэцэрлэгт хүрээлэн хаалгаа онгойлгохоос өмнө 500 орчим хүн гадаа хүлээж байжээ. Цэцэрлэгт хүрээлэнд ийм байдал ерөөс тохиолдож байгаагүй учраас цагаасаа өмнө хаалгаа онгойлгож хүмүүсийг оруулсан юм байна.

    "Лэ Лэ", "Ин Ин" –ний байдал өнөө аятай сайн байна, хоолонд орох, тоглож наадаж байгаа нь бүр л хэвийн байна гэж энэ цэцэрлэгт хүрээлэнгийн дарга хэлсэн байна. \Цэцэн орчуулж, Номин хянав\