Хятадын БХАТИХ-ын байнгын хорооны дарга Ү Бангүө 28-ны өдөр Бээжинд айлчилж ирсэн Германы канцлейр Ангела Меркелд хэлэхдээ, Хятадын БХАТИХ нь Германы парламенттай эрх тэгш болон харилцан хүндэтгэсэн үндэс дээр солилцоо, яриа хэлэлцээгээ эрчимжүүлж, бие биеийн ойлголцлоо нэмэгдүүлэн, хамтын ажиллагаагаа гүнзгийрүүлэн, санал зөрөлдөөнөө багасгаж, нийтлэг ойлголтоо өргөтгөн, Хятад Германы харилцааны хөгжилд шинэ эрч хүч сэлбэхэд бэлэн байна гэжээ.

    Ү Бангүө хэлэхдээ, парламент хоорондын харилцаа бол Хятад Германы харилцааны чухал бүрэлдэхүүн хэсэг юм. Сүүлийн жилүүдэд Хятадын БХАТИХ нь Германы холбооны бундестаг хоорондын солилцоо маш хөгжилтэй явагдаж, хоёр ард түмний бие биеийн ойлголцлыг гүнзгийрүүлэн, хоёр орны харилцааны хөгжлийг ахиулахад чухал үүрэг гүйцэтгэсэн байна гэжээ. \Пэрлаймаа орчуулж, Буян хянав\