Зүүн хойд Азийн худалдаа хөрөнгө оруулалтын гуравдугаар яармаг 2-ны өдөр Хятадын зүүн хойдын Гирин мужийн Чан чунь хотноо нээгдэв.

     Зүүн хойд Азийн худалдаа хөрөнгө оруулалтын яармаг бол Олон улсын хэмжээний бүс нутгийн томоохон ерөнхийлсөн яармаг юм. Уг яармаг нь зүүн Азийн бүс нутгийн хамтын ажиллагаа болон Хятадын зүүн хойдын аж үйлдвэрийн хуучин баазыг сэргээн хөгжүүлэх гол агуулагаар явагдана. Хятад, Орос, Монгол, Япон, Өмнөд Солонгос, Хойд Солонгос зэрэг 62 улс орон бус нутгийн аж ахуйн нэгж үзэсгэлэн яармагт оролцов. Үүнд дэлхийн 500 хүчирхэг аж ахуйн нэгжээс 81 нь оролцлоо.

     Яармагийн хугацаанд зүүн Азийн эдийн засгийн хамтын ажиллагааны чуулга уулзалт, Олон улсын хурал үзэсгэлэн, Оросын худалдааны долоо хоног, Хойд Солонгос, Монголын худалдааны өдөрлөг зэрэг үйл ажиллагаа явуулна. Яармаг 6-ны өдөр өндөрлөх болно. \ Урангоо орчуулж, Баатар хянав\