Зургаан талын хэлэлцээний Оросын талын төлөөлөгчдийн тэргүүн Алехсандер Лосюков 26-ны өдөр Бээжинд хэлэхдээ, зургаан талын шинэ ээлжийн хэлэлцээнд Оросын тал "өөдрөг" байр суурьтай байна гэжээ.

     Тэрээр Бээжингийн Нийслэлийн олон улсын нисэх онгоцоны буудалд хүрэлцэн ирэх үе хэлэхдээ, зургаан талын хэлэлцээ хэсэг амжилтад хүрсэн, талууд үргэлжлэн хамтаар чармайж, хэлэлцээг шинэ ахицтай болгох ёстой. Хэлэлцээ эхлэхээс өмнө Хятадын тал болон бусад холбогдох талуудтай зөвшилцөхөөр Оросын тал бэлтгэж байна гэжээ.

     Өөр мэдээнд тэмдэглэсэнээр, Японы Гадаад хэргийн яамны Ази, номхон далайн газрын дарга, Солонгосын цөмийн асуудлын зургаан талын хэлэлцээний төлөөлөгчдийн тэргүүн Кеничиро Сасае 26-ны үдийн өмнө Токиод Америкийн Төрийн нарийн бчигийн даргын туслах, Солонгосын цөмийн асуудлын зургаан талын хэлэлцээний Америкийн төлөөлөгчдийн тэргүүн Кристопер Хиллтай хэлэлцээ хийж, Солонгосын хойгийн цөмийн асуудлын зургаан талын хэлэлцээний явцад хамтын ажиллагаагаа эрчимжүүлнэ гэж хоёр тал илэрхийлсэн байна. /Ч.Гантөмөр орчуулж, Цэцэн хянав/