Түвдийн Өөртөө Засах Районы хот суурины оршин суугчдын эмчилгээний үндсэн даатгалыг 10-р сарын 1-ний өдрөөс бүх талаар хэрэгжүүлж, олон хөнгөлөлттөй бодлогын үр өгөөжийг ард иргэд хүртэх боллоо.

    Түвдийн Өөртөө Засах Районы сангийн газрын орлогч дарга Фань Гуанцайгийн танилцуулснаар, уг эмчилгээний даатгалд юуны өмнө засгийн газрын нөхвөр олгох хэмжээг дээшлүүлсэн байна. Улсын тогтоолын дагуу, засгийн газар нь жил бүр хүн бүрийн дундаж хэмжээ нь 40 юаниас багагүй байх баримжаагаар нөхвөр олгох бөгөөд түвдийн олгох нөхвөрийн хэмжээ нь улсын хэмжээгээс 100 юань өндөр байгаа юм байна. Үүнээс гадна, засгийн газар нь хот суурины амьдралын доод баталгааны хүмүүс, хөгжлийн хүнд бэрэхшээлтэй хүмүүс, үр хүүхэдгүй өндөр настан, өнөчин хүүхэд зэрэг бэрэхшээлтэй хүмүүст сангийн бүрэн нөхвөр олгож, хувиараа ямар ч төлбөр төлөхгүйгээр эмчилгээний адил даатгал эдлэж болох юм байна. \Урьхан орчуулж, Цэцэн хянав\